Ka shkuar në 103 numri i viktimave të cilët humbën jetën si pasojë e shpërthimeve pranë Aeroportit Ndërkombëtar të Kabulit.
Sipas mediave të huaja bëhet me dije se nga shpërthimet mbetën viktima të paktën 90 afganë dhe 13 ushtarë të ushtrisë amerikane. Gjithashtu janë shënuar më shumë se 150 persona të plagosur.
Ditën e djeshme fill pas sulmit, grupi terrorit ISIS mori përsipër përgjegjësitë mbi sulmin me bombë. Ata u shprehën se ishte një anëtar i tyre i cili hodhi veten në erë pranë aeroportit të Kabulit.
Si pasojë e këtyre shpërthimeve trupat kanë përshpejtuar evakuimin e afganëve të cilët prej ditësh presin në aeroport për tu larguar nga vendi i tyre.
