Taulant Kopliku, gazetari shqiptar në emisionin investigativ italian “Le lene”, ka folur sot në emisionin “Zona Zero” në Top News.
Gjatë bisedës në studio, Kopliku rrëfeu se ç’po ndodh me Alvin Berishën, vogëlushin i cili u shpëtua nga kampi sirian, në operacionin e të cilit mori pjesë edhe ky i fundit.
Gazetari tha se tashmë Alvini është integruar në mënyrë të shkëlqyer.
“Alvini është integruar në mënyrë të shkëlqyer. Ka patur një mësuese të veçantë për të. Ka një mbështetje nga të gjithë, sidomos nga djemtë e xhaxhait të tij. Në qershor kishte shkuar për pushime në Venecia”, tha gazetari.
Kopliku është edhe autori i një filmit dokumentar, “Daesh – Një histori lufte”.
Në këtë dokumentar, Kopliku, rrëfen historinë e nisjes së luftës në Siri, dhe pasojat e saj, ku shumë persona, përfshi edhe shqiptarë, i vuajnë ende edhe sot, tre vite pas mposhtjes së ISIS.
