Sot i jepet lamtumira e fundit bilbilit të Kosovës, Nexhmije Pagarusha. Këngëtarja e famshme shqiptare që ndërroi jetë të premten, në moshën 86 vjeçare, do të varroset në fshatin e saj të lindjes në Pagarushë. Vendi i varrimit dhe ceremonia do të behën sipas amanetit të saj. Ceremonia do të jetë familja dhe homazhet do të nisin që në orën 09.00. Gruaja ikonë e muzikës shqip, i këngës shqipe, një prej zërave më unik në botë, do të përcillet për në banesën e fundit rreth orës 14.30 në vendlindjen e saj.
Përveç repertorit të saj që numëron më shumë se 150 këngë, Pagarusha njihet si një prej këngëtareve që ka kënduar vepra të përkthyere edhe nga kolosët e muzikës botërore, si Bethoven, Verdi, etj. Ajo ka qenë një aktore e mrekullueshme dhe një shqiptare e pashoqe. Në asnjë vend të botës nuk ka kënduar kurrë serbisht. Ka refuzuar koncerte dhe ka mbyllur perde për të mos kënduar në gjuhën e pushtuesit. E etiketuar me dhjetëra epitete që e ngrenë në piedestalin e njeriut, këngëtares dhe shqiptares së madhe, Baresha e saj, mbetet ikonë e muzikës sonë.
Agjenda:
09:00 – 11:00, Homazhe në Teatri Kombëtar,
11:00 – 11:30, Akademi Përkujtimore në Teatri Kombëtar,
11:30 – 12:00, Nisja e kortezhit nga Teatri Kombëtar.
14:30- Varrimi në Pagarushë të Malishevës.
