Mësohen detajet lidhur me ngjarjen në Theth, ku si pasojë e të shtënave me armë zjarri ka mbetur i plagosur një person. Bëhet fjalë për 47-vjeçarin Gëzim Ndrezajt.
Sipas burimeve burri ka thënë se ishte konfliktuar me autorin për arsye banale. Sipas tij autori i ka kërkuar që të bëj një punë, ndërsa ai s’ka pranuar pasi nuk ka pasur mundësi.
Në këtë moment, sipas 47-vjeçarit, autori, i cili ishte me një makinë, ka nxjerrë automatikun dhe e ka qëlluar një herë në këmbë. Ai thotë se ka pasur vetëm një të shtënë duke shtuar se e njeh autorin , pasi është banor i zonës.
“Ka edhe më keq. Autori më kërkoi të bëja një punë. I thashë se nuk kam mundësi. E njoh autorin, është vendali. Më plagosi me automatik. Ai ishte me makinë. Më gjuajti një herë”, thotë i plagosuri.
