Më 13 tetor të vitit 1943, Italia i shpall luftë Gjermanisë, ish-partnere e saj gjatë Luftës së Dytë Botërore. Me rrëzimin e Musolinit nga pushteti dhe rrëzimin e qeverisë fashiste në korrik, gjenerali Pietro Badoglio, që kishte marrë pushtetin në vend të Duçes me kërkesë të Mbretit Viktor Emanuel, filloi negociatat me gjeneralin Eisenhower në lidhje me një dorëzim të kushtëzuar të Italisë. Në ditën e dorëzimit italian, Hitleri nisi operacionin për pushtimin e Italisë. Ndërsa trupat gjermane hynë në Romë, gjenerali Badoglio dhe familja mbretërore u larguan në Brindisi, në juglindje të Italisë, për të ngritur një qeveri të re antifashiste.
Me kapitullimin e Italisë, Trupat gjermane morën në dorë situatën dhe Linja Gustav do të formohej në pjesën jugore të Maleve Apenine (në jug të Romës). Aleatët nuk mundën ta thyenin këtë linjë dhe menduan se një zbarkim detar në Anzio do të ishte më e logjikshme. Zbarkimi u bë i mundur më 22 janar 1944 dhe operacioni u quajt Operacioni Shingle. Ky veprim nuk dha rezultatet e pritura pasi njësitë ushtarake në këtë zonë u rrethuan me shpejtësi nga gjermanët.
Të pa aftë të bëjnë shumë kundra Linjës së Gustavit me dështimin e operacionit Shingle, Aleatët vendosën ta thyenin këtë linjë me sulme qendrore. Më 15 shkurt manastiri i Monte Kassino (një manastir ky shumë i vjetër), u shkatërrua nga bombarduesit B-17 dhe B-26, pasi mendohej se godina po përdorej nga Trupat Gjermane për vendosje artilerie. Dy ditë pas bombardimeve, trupat parashutiste gjermane u dyndën në gërmadhat e ndërtesës për ta mbrojtur. Në luftë e sipër për këtë territor, pas plot katër bombardimesh nga ana e aleatve, aleatët do të humbnin 54 000 trupa ndërsa gjermanët 20 000 trupa.
Vetëm mbas shumë muajsh, Linja e Gustavit do të binte dhe Aleatët patën mundësi të marshonin për në veri. Më 4.6.1944, Roma do të çlirohej nga Aleatët, që më pas në gusht do të arrinin deri në Florencë. Më pas ata do të ndalonin përsëri në dimër dhe një linjë tjetër do të formohej. Kjo linjë u njoh me emrin Linja e Gotikës.
Kalendar
1773 – U zbulua galaksia Messier 51a nga Charles Messier.
1923 – Ankaraish Angora e zëvendëson Stambollin si kryeqytet të Turqisë.
1972 – Një Aeroflot Ilyushin Il-62 u rrëzua në Moskë duke lënë të vdekur 176 njerëz.
1983 – Ameritech Mobile Communications (tani Cingular) paraqiti rrjetin e parë të telefonisë mobile në ShBA në Chicago.
1990 – Përfundoi lufta lebaneze.
2010 – Hillari Clinton viziton Kosovën.
