Topi i artë ka prodhuar gjithmonë debat mbi fituesin e mundshëm. Një foto e dalë së fundmi ka bërë namin në rrjetet sociale pasi zbulon emrin e lojtarit që do ta fitojë.
Në foto duket qartë emri i Robert Lewandowskit si fituesi për këtë vit i çmimit prestigjioz. Sulmuesi i Bayern-it ka qenë i pandalshëm përgjatë këtyre viteve, duke fituar gjithçka në nivel klubesh, ku bie në sy tripleta e fituar me Bayern-in në sezonin 2019-2020. Sezonin e kaluar polaku theu rekordin e Gerd Muller në Bundesligë, duke shënuar 41 gola.
Nuk dihet nëse ky do të jetë rezultati përfundimtar, por nuk është hera e parë që dalin foto mbi këtë ngjarje. Edhe në 2018-ën disa ditë përpara eventit, u publikua një foto me Luka Modriç në vendin e parë, i cili e fitoi në fund.
