Një aksident ka ndodhur ditën e sotme në bulevardin “Ismail Qemali” në Vlorë. Mësohet se në aksident janë përfshirë 4 automjete dhe si pasojë ka mbetur një person i plagosur.
Bëhet fjalë për një grua rreth 60 vjeç, e cila ka përplasur kokën në kroskotin e makinës dhe ka pësuar çarje në kokë.
E plagosura është dërguar menjëherë në spital për të marrë ndihmën e parë mjekësore. Në vendngjarje ka mbërritur policia e cila po punon për zbardhjen e shkaqeve të aksidentit.
