Lëkundje tërmeti janë ndjerë pak minuta më parë në vendin tonë. Sipas të dhënave të IGJEUM tërmeti pati një magnitudë 4.2 ballë i shkallës Rihter.
Paraprakisht nuk raportohet për dëme materiale. Nga të dhënat paraprake mësohet se epiqendra ka qenë 4 kilometra në Jug-Perëndim të Bulqizës, me një thellësi 4.1 km.
Lëkundjet janë ndjerë edhe në Tiranë, më së tepërmi në katet e sipërme të apartamenteve. Kohët e fundit kemi pasur një aktivitet sizmik të shtuar në qarkun e Dibrës, ku si pasojë e lëkundjeve u dëmtua njësia administrative e Oroshit.
