Zv/kryeministri Arben Ahmetaj tha në seancë plenare se shërbimi ndaj qytetarëve, është baza e buxhetit të vitit 2022.
Ai theksoi se financat publike po stabilizohen, edhe pse vendi ynë o godit nga tërmeti dhe pandemia e COVID.
“A po rritet ekonomia? Të gjitha ca merrni ju apo ne referencë, thonë se rritet 11.6% ne gjashtëmujorin e parë. Punësimi e pagat? E vërteta është Po.
Investimet e reformat vijojnë? Po, kush është këtu ekonomist e kuptojnë cdo të thotë balancë koherente. Është diferenca mes investimeve dhe deficitit, dhe është pozitive në favor të investimeve.
Shërbimet publike po përmirësohen, ka vend pa fund për t’i përmirësuar, po shumica janë online. Financat publike po stabilizohen. Na ndodhi gjëma, shkuam në 80% borxh, po pse ku shkoi, dhe ata që e marrin vesh e thonë tamam për qytetarët. Në kohë si këto të gjithë ata që kanë lexuar e kuptojnë shumë mirë se gjëja e parë është zgjerimi”, tha ai.
“Tjetra është infrastruktura. Pse s’e kemi bërë dot Unazën? Do thoja s’na kanë lejuar financat publike, tani na lejojnë. Fokusi është te Tirana. Do thoja po, e drejtë duhet ta kishim mbaruar më parë.
Llogaraja? Bashkon dy Shqipëri. Shtohet vlera e jugut në favor të të gjithë shqiptarëve. Infrastruktura tjetër, porte aeroporte. Hajde i diskutojmë, debatojnë mund të keni ide shumë të mira, s’është se jeni pa gjë një pjesë e mirë e juaja. Është buxheti më i mirë i 30 viteve. Familjet me vështirësi do marrin trefishin e ndihmës. Po konsolidimi fiskal e keni parë sa i kujdesshëm është?
Eksportet u rritën me 130%. Bujqësia? Do i themi të vërtetat, ka shkuar 12 mld mbështetja me gjithë pjesën indirekte të saj. Turizmi? Kapëm nivelin e para pandemisë, falë politikës së kujdesshme që ndoqëm. Pa reforma nuk rritet një vend. Kursimet në gusht janë rritur, 250 mln $. Kur flasim për çmimet, patjetër që ka luhatje çmimesh. Pensionet, janë 2.6 mld indeksimi dhe 3.5 mld paketa e fundvitit. E dini sa e kemi shumë e fondit pa subvencionet, 1.2 mld. Që do të thotë e rrisim vitin tjetër 5%. Hajde diskutojmë c’të bëjmë më mirë. Nuk ua kërkoj që të votoni Buxhetin e shtetit. Do t’ju lutesha të bëni një gridë statistikore, që të diskutojmë paqësisht, të ndihmojmë njëri-tjetrin për ata përjashta”, tha Ahmetaj.
