Miliarderi George Soros thekson se presidenti kinez Xi Jinping përbën një kërcënim real për Bashkimin Evropian dhe vlerat e tij.
Sipas Sorosit, as politikanët dhe as udhëheqësit e industrisë evropiane nuk e kuptojnë vërtet “kërcënimin” e vërtetë që vjen nga Kina.
Ai thekson se lejimi i rrjetit 5G të Huawei në Evropë do t’i krijojë hapësira Kinës të “shantazhojë” dhe “sabotojë” Bashkimin Evropian në të ardhmen.
Soros shton më tej se Bashkimi Evropian duhet të ndihmojë kompanitë Ericsson dhe Nokia të ndërtojnë rrjetet e tyre 5G, në mënyrë që të mos varen nga Kina në këtë drejtim.
Si Bashkimi Evropian ashtu edhe Britania e Madhe deri më tani kanë lejuar Huawei, të prezantojë rrjetin e saj 5G. Ndërkaq, SHBA ka dalë kundër këtij veprimi të BE-së dhe Mbretërisë së Bashkuar duke kritikuar vendimin e tyre./Fjala.al/
