“Duhet ta meritosh këtë punë”, Rama zv.ministrit të Bujqësisë: Brenda vitit të hedhim themelet e markatës së peshkut në Durrës

113 563 lexime

124,178FansaPëlqeje

Kryeministri Edi Rama ka marrë pjesë sot në prezantimin e buxhetit për peshkimin në Durrës. Rama tha se paga më e ulët në peshkim është 800 mijë lekë, ndërkohë që punëtorët vijnë nga Turqia e Egjipti, ndërsa disa me diploma kristali që pretendojnë se janë juristë kërkojnë punë.

Ai i ka ngarkuar disa detyra publikisht zëvendës ministrit të Bujqësisë Roland Kristo, teksa theksoi se ministria do jetë në dispozicion të peshkatarëve dhe me financim të drejtpërdrejt dhe për garancinë sovrane për kreditë në banka.
“Nuk diskutohet që jemi në kushtet që mund të kemi ambicie shumë më të madhe dhe për këtë duhet të adresojmë me shpejtësi disa çështje që ju të rrisni fuqinë tuaj. Për ne nuk ka rëndësi je socialist apo demokrat, rëndësi ka të kapësh peshkun.
Në buxhet siç kemi diskutuar për problemin tuaj të fuqizimit të flotës dhe riparimit të anijeve ne do t’ju japim mbështetje të drejtpërdrejt financiare, dy gjëra. Nga njëra anë do të ketë një fond Ministria e Bujqësisë që do të financojë dhe do të jetë financim i drejtpërdrejt për këdo që thotë unë kam nevojë të riparoj anijen, kjo kushton X, atëherë ipsilon do ta vërë shteti. Jo kredi, lekë në dorë mbështetje, ti do vësh pjesën tjetër. Ndërkohë duke qenë se ju keni problem çështjen e kredive me bankat, ministrja e ka për detyrë…Fondi i garancisë sovrane që ka vënë qeveria për bujqësinë dhe peshkimin duhet të vihet në lëvizje për kreditë që banka të garantohet nga shteti.
Landi, duhet ta tregosh që e meriton që të jesh zëvendës ministër. Për 4 vite rresht do financojmë fuqimisht flotën. Kushdo që do të punojë dhe sakrifikojë në këtë biznes të vështirë ka gjithë mbështetjen tonë.
Land kur të vish në det do jesh me Malin, në tokë me Besimin. Këtu duhet të bëhet markata model dhe bashkë me drejtorin e portit do të ulesh dhe me këta dhe gjithë kjo pjesë duhet të bëhet aksesibël për qytetarët. Duhet të bëhet një bulevard me gjithë prodhimet e peshkut, një markatë me standarde më të larta në Ballkanin Perëndimor. Gjëja më e mirë është që kjo markatë të jetë në bashkëpunim. Gjithë ju që jeni këtu, kushdo që të futet aksioner, të futet, do jetë ministria t’ju mbështesim. Ne si qeveri të garantojmë financimin, ju do fusni një pjesë të vogël. Menaxhimin do e bëni ju, jo shteti. Duhet të krijoni ju një autoritet më vete. Merrni ekspertë të huaj. Një vit kohë ke, duhet të hedhim themelet e markatës.
Na duhet një shkollë, nuk diskutohet. Sa më shumë ju po rriteni aq më shumë kemi problemi ne specialistëve të nivelit të lartë. Na duhet patjetër të ndërtojmë shkollën profesionale që të jetë në shërbim të industrisë dhe e lidhur drejtpërdrejt me praktikën. Edhe për shkollën duhet të punojmë. Edhe për shkollën brenda vitit të ardhshëm do të hapim themelin. Po t’i them këto publikisht që pastaj Besimi, Mali, Luca të të rrinë tek qafa”, tha Rama.

Lexo edhe :  Rinumërimi në qarkun Tiranë: Detajet e fundit dhe planin në vijim

Ai theksoi se janë 41 mln euro në dispozicion për t’u disbursuar me fondet e BE-së.

“Fillojmë portin e peshkimit në Vlorë, 100% me standarde profesionale me kushte higjieno-sanitare dhe me logjistikë si në portet e BE-së. Ju e dini që ky port ka defektet e veta, por ishte fakt i kryer. Këtu vetëm mund të axhustojmë, projekti ka qenë për së mbrapshti. Porti i peshkimit në Vlorë, do jetë më i mirë se ky. Malo zgjero flotën, ço dhe ca në Vlorë, por atje kujdes se je shumë demokrat për të qenë i mirëseardhur, duhet të jesh më i qetë.

Merrjani numrin e telefonit dhe para se të dilni në det çojini mesazh të gjithë, mbyteni me mesazhe ‘O Land zgjohu’”, tha ndër të tjera kryeministri.

Të fundit

Fshehu pasurinë, Apeli i GJKKO jep 100 orë punë publike ish-anëtarit të Gjykatës së Lartë

Gjykata e Posaçme e Apelit ka marrë vendimin lidhur me ankimimin e ish-gjyqtarit Guxim Zenelaj. Ky i fundit ankimoi vendimin e GJKKO-së...

“Bashkëpunove me Milosheviçin”/ Balla se kursen Berishën, ‘ia plas në sy’ skandalet

Ministri i Shtetit, Taulant Balla, në përgjigje të akuzave të opozitës për manipulim zgjedhor, në një replikë të drejtpërdrejtë në Kuvend, tha se nuk...

Studentët në Serbi paralajmërojnë mosbindje civile: Nëse nuk shpallen zgjedhjet…

Nëse Qeveria e Serbisë nuk i shpall zgjedhjet e parakohshme parlamentare deri në mbrëmjen e 28 qershorit, “qytetarët do të jenë të gatshëm t’i...

Nuk e fitoi dot betejën me sëmundjen e rëndë/ Ndahet nga jeta mjekja e njohur e QSUNT

Mjekja anesteziste-reanimatore pranë Klinikës së Parë të Kirurgjisë, QSUNT, Nertila Kodra është ndarë nga jeta. Mjekja nuk ka mundur dot ta fitojë dot betejën me...

 Grand Prix i parë automobilistik në histori, garat që u zhvilluan në Francë

26 dhe 27 qershor 1906 Më 26 dhe 27 qershor 1906, u mbajt Grand Prix de l’Automobile Club de France, i njohur ndryshe si Grand...

Lajme të tjera

Web TV