Takimi i parë midis Albin Kurtit dhe Aleksandar Vuçiç pritet të zhvillohet në muajin mars. Nënkryetari i LDK-së, Lutfi Haziri ka folur për takimet midis Kosovës dhe Serbisë muajin e ardhshëm në Bruksel, si dhe për përgatitjet e samitit të Zagrebit në muajin maj.
“Ta shohim që takimet e marsit që Kosova dhe Serbia i kanë në Berlin dhe në Bruksel a do të arrijnë të përgatiten për samitin e Zagrebit, në mars do të jetë vizita që është planifiku për Kosovën dhe Serbinë në Berlin dhe Bruksel. Samiti i Sofjes nuk e dha efektin e vet, tash po përgatitet Samiti i Zagrebit në maj, nuk ka ndodhë që BE-ja me i ba dy samite brenda tre vitesh, sepse Selaniku dhe Sofja i kanë 15 vite ndërmjet, kurse Sofja dhe Zagrebi janë shumë afër, por prapë vështirësitë që po dalin nga presidentja kroate janë se Schengeni Ballkanik është problemi kryesor”, – tha Haziri në RTV Dukagjini.
