Një 50-vjeçar me inicialet A. F., banues në Lalar, Fier është vënë në pranga pasi akuzohet se ka goditur me kosore vëllain e tij, duke e dëmtuar atë. Sipas njoftimit të Policisë së Fierit, mësohet se 50-vjeçari e ka goditur vëllain e tij me kosore pas një sherri momental. I plagosuri B. F., 45 vjeç ndodhet në spitalin e Fierit nën kujdesin e mjekëve.
Gjithashtu në pranga është vënë edhe personi me iniciale A. K., 21 vjeç, banues në Patos, pasi është kapur nga shërbimet e Policisë, duke drejtuar motomjetin pa leje drejtimi.
Njoftimi i policisë:
Specialistët për Hetimin e Krimeve në Komisariatin e Policisë Fier arrestuan në flagrancë shtetasin A. F., 50 vjeç, banues në Lalar, Fier, pasi për motive të dobëta, ka goditur duke e dëmtuar lehtë me mjet prerës (kosore) vëllain e tij, shtetasin B. F., 45 vjeç, i cili ndodhet në spitalin e Fierit nën kujdesin e mjekëve. Specialistët e Sektorit të Qarkullimit Rrugor në DVP Fier arrestuan në flagrancë shtetasin A. K., 21 vjeç, banues në Patos, pasi është kapur nga shërbimet e Policisë, duke drejtuar motomjetin pa leje drejtimi. Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme.
