Detaje të reja kanë dalë në dritë për vrasjen e trefishtë në Deçan të Kosovës. Dyshohet se shënjestër ka qenë shoferi i autobusit, ndërsa dy të rinjtë janë vrarë aksidentalisht.
Drejtuesi i autobusit më herët është akuzuar për vrasjen e një vajze. Ende nuk ka asnjë të dyshuar si autor, ndërkohë që shteti i Kosovës ka vënë në dispozicion 20 mijë euro shpërblim për çdo informacion të saktë.
Një autobus po qarkullonte nga Gjakova në drejtim të Gllogjanit, kur u sulmua në Deçan me armë zjarri mbrëmjen e 26 dhjetorit. Fatkeqësisht tre persona humbën jetën, dy maturantë dhe shoferi i autobusit.
Nga të shtënat me armë u plagos edhe një nxënës tjetër, i cili fatmirësisht mundi të mbijetonte.
