Një nga momentet më pikante të Kuvendit Kombëtar të PD, i cili u thirr nga ish-kryeministri Sali Berisha, ishte fjalimi që mbajti delegatja nga Gjirokastra, Enkelejda Muçi.
Fjalimi i saj ishte si një perlë treguese dhe përfaqësuese e këtij kuvendi, e cila deri në atë moment po mbrohej nga guaska e drejtuesve politikë pjesëmarrës në këtë organizim.
E prezantuar si mbesa e Çerçiz Topullit, delegatja me ato që nxorri nga goja bëri që ta kishin zili edhe aktorët e humorit, madje edhe vetë ish-Kryeministri Berisha nuk e mbajti dot për asnjë moment të qeshurën.
Ajo shfrenoi imagjinatën më tej duke kërkuar edhe kandidimin për kryetare bashkie në Gjirokastër, duke paralajmëruar edhe demokratët.
“Nëse PD nuk më mbështet që të kandidoj në Gjirokastër, unë do të kandidoj si e pavarur (qesh). I kam thënë kryetarit të sotëm të bashkisë, do të ta marr karrigen i kam thënë.”, u shpreh ajo.
Kështu ajo ka kërkuar të marë vendin e doktorit socialist, Flamur Golemi, i cili po kuron plagët e qytetit të gurtë, pasi pasardhësja e tij kishte lënë një mal me probleme.
E ndoshta për këtë gjë, mbesa e Çerçizit dëshiron që pjesën tjetër të batutave, ta vijojë në krye të Gjirokastrës. Me siguri asaj organizimi i Kuvendit në këtë mënyrë i dha shpresë për të bërë gjëra të pamundura dhe kushedi, në një të ardhme të afërt mund të vetëshpallet kryebashkiake e Gjirokastrës.
