Një përleshje fizike ka ndodhur sot para Gjykatës së Selanikut në Greqi. U desh ndërhyrja e policisë për të ndaluar dhunën.
Mediat helene kanë nxjerrë pamjet, ku duket një grup personash që goditen me njëri tjetrin me sende.
Ata kanë shkaktuar dëme të shumta materiale, ku janë thyer disa xhama biznesesh dhe janë dëmtuar disa automjete.
Policia ndërhyri menjëherë, ndërsa mësohet se janë shoqëruar 23 persona të përfshirë në këtë episode të dhunshme, tre prej të cilëve u arrestuan. Në vendin e ngjarjes është gjetur një karabinë dhe disa fishekë në një automjet të parkuar pranë Gjykatës.
Ndërkohë, mësohet se dy grupet u përplasën fizikisht mes tyre për një çështje që po gjykohej.
