Carol Hirst kishte lindur vetëm gjashtë javë më parë dhe e la të porsalindurën e saj në karrocë me partnerin e saj Darnell Jackson, kur ajo nxitoi për të ndihmuar fëmijët pasi dëgjoi të bërtitura.
Fqinji i saj e kishte lajmëruar pasi dy fëmijë të shqetësuar treguan për zbulimin makabër.
Mamaja nxitoi dhe u tmerrua kur zbuloi se ata po thonin të vërtetën.
Ajo pa një foshnjë të ngrirë të përkulur në pozicionin e fetusit.
Carol tha: “Sapo e pashë këtë fëmijë u trondita. E mbylla derën e frigoriferit”. E tronditur ajo i telefonoi partnerit të saj, Darnellit që të vinte dhe të ndihmonte, duke i thënë: “Ka një fëmijë të vdekur”.
Darnell, një punonjës supermarketi nga Rossington në South Yorkshire mbërriti, duke besuar se ata po gabonin dhe se “duhej të ishte një kukull”.
Por edhe ai mbeti “pa fjalë” dhe i tmerruar kur pa foshnjën.
