Një vajzë 18-vjeçare dhe një djalë 13-vjeçar arritën të shpëtojnë mrekullisht pasi një ndërtesë në Nju Jork u përfshi nga flakët e fuqishme. Ata u mbajtën në dritare dhe më pas u kapën tek një tub duke u ulur poshtë.
Zjarri shpërtheu në katin e katërt të një blloku apartamentesh, që ndodhet në Avenue D, në zonën East Village të Manhattan, rreth orës 7:15 të mëngjesit me orën lokale të së enjtes.
Rreth 180 zjarrfikës të FDNY shkuan në vendngjarje dhe arritën të vinin nën kontroll flakët rreth një orë më vonë. Si pasojë e zjarrit mbetën të plagosur tetë persona, duke përfshirë katër zjarrfikës. Një burrë vdiq dhe një grua pësoi lëndime serioze për jetën.
