Autoritetet australiane i anuluan vizën Novak Djokovic dhe kanë në plan ta dëbojnë tenistin serb, një vendim që mediat vendase thonë se do të apelohet nga avokatët e sportistit.
Djokoviç, që aktualisht mban numrin 1 në renditjen botërore të tenistëve planifikohej të merrte pjesë në Australian Open, që nis më 17 janar.
Për shkak se ai është i pavaksinuar hasi probleme në tejkalimin e rregullave për të hyrë në Australi, që kërkojnë mes të tjerash dëshmi vaksinimi, që është kaluar Covid brenda javëve të fundit dhe praninë e antitrupave apo një dokument mjekësor që përjashton vaksinimin.
Ndërkohë, babai i tij Srdjan Djokovic ka lëshuar një deklaratë urgjente për qeverinë australiane, duke kërkuar lirimin e djalit të tij.
“Nuk e kam idenë se çfarë po ndodh, ata po e mbajnë djalin tim rob për pesë orë. Kjo nuk është një luftë për botën liridashëse, kjo nuk është vetëm një luftë për Novakun, por një luftë për të gjithë botën!” tha ai.
“Nëse nuk e lënë për gjysmë ore, do të mblidhemi në rrugë, kjo është një luftë për të gjithë”, shtoi ai.
Dhe me sa duket thirrjes së babait të Djokovic i janë përgjigjur serbët e Australisë. Në shenjë proteste ata kanë shkuar para hotelit ku po mbahet i ngujuar tenisti.
The Serbian Australians at Park Hotel are now lighting candles and singing. It’s their Christmas Eve.
“This is for the refugees” they said. pic.twitter.com/ZK8opNRakh— Cait Kelly (@cait__kelly) January 6, 2022
“Nga do që të shkoj përsëri kthehem tek ti, askush nuk mund të ma rrëmbejë Kosovën nga shpirti im”, dëgjohet të këndojnë serbët protestues.
Tenisti serb është duke u mbajtur në Park Hotel, një ndërtesë që përdoret nga Qeveria e Australisë për ndalimin e emigrantëve në vend, pasi atij iu refuzua hyrja në Australi të mërkurën.
