Gazetari dhe moderatori Roland Qafoku është shprehur sot kundër përplasjes Basha-Berisha që po ndodh ditët e fundit në kampin e demokratëve.
Sipas Qafokut, PD nuk mund të mbahet me dhunë, dhe as të merret me dhunë. Ai u shpreh se revolucioni më i mirë në kohët moderne është konsensusi mes palëve.
Në analizën e tij, Roland Qafoku shkoi edhe më tej duke thënë se zgjidhja e situatës në selinë blu është gjetja e një lloj Franc Vranicki.
Ky i fundit ka qenë i dërguari i BE dhe OSBE në krizën e vitit 1997 për të arritur një marrëveshje mes palëve, përkatësisht PD dhe PS.
“ Në vitin 1997, Aleksandër Meksi dha dorëheqjen, nuk u zgjodh as Berisha kryeministër, por Bashkim Fino, në atë kohë kryetar i bashkisë Gjirokastër. Valvula e shkarkimit të këtij presioni të madh është dorëheqja e Bashës dhe moskandidimi i Berishës për kryetar. Kjo besoj do i jepte një zgjidhje situatës në PD” , u shpreh Qafoku.
