Princeshë Elia pëlqen të jetë gjithmonë pranë njerëzve. Me fisnikërinë dhe modestinë e saj, ajo nuk i largohet artit. E kemi parë si aktore dhe tani do ta shohim përsëri si autore.
Elia Zaharia Zogu promovon librit të saj në qytetin e Vlorës. ‘Trëndafili i Bardhë’ është një libër plot me kujtime nga vetë Elia, detaje që i ka marrë nga bashkëshorti i saj Princ Leka dhe do të jetë po ashtu me ilustrime të ndryshme.
Ka qenë shkrimtari dhe drejtori bibliotekës së Vlorës ai që na bën me dije me një postim në faqen e tij në Fb. Ai shkruan: “Ftesë”
Të shtunën ora 11.00 në Bibliotekën Publike “Shefqet Musaraj” ,Vlorë, autorja Elia Zaharia Zogu promovon librin e saj, “Trëndafili i bardhë”.
Libri “Trëndafili i bardhë” është një përrallë e shkruar nga një princeshë si Elia Zaharia Zogu. Një përrallë nga ato që tregohen gjatë netëve të gjata të dimrit dhe pikërisht nesër në datën 21 Dhjetor është solstici i dimrit, ku nata është më e gjata e vitit.
Gjatë promovimit të këtij libri fëmijët e pranishëm, por edhe të tjerët do ti drejtojnë pyetje autores dhe do të kenë kënaqësinë të marrin autografin e saj kur të blejnë librin “Trëndafili i bardhë”.
Sapo komunikova me princeshën dhe ajo mes emocionesh më tha se, mezi po pret të vijë në Vlorë.
Ftohen të marrin pjesë shkrimtarët e qytetit dhe nxënës të shkollave dhe prindër të tyre, të rinj e të reja. /Fjala.al/
Enkelejda Fishekaj
