Për protestën e sotme që u zhvillua para selisë blu ka reaguar edhe ish-ministri i Brendshëm, Sandër Lleshaj.
Ky i fundit thotë se sot nuk ndodhi asgjë e re, duke nënvizuar se këto situata vazhdojnë prej tre dekadash.
Lleshaj thotë se frymëzuesi, ekzekutori, filozofia, pjesmarrësit nuk kanë ndryshuar, duke sulmuar ish-liderin Sali Berisha. Ai shton se e vetmja risi ishte shënjestra, Lulzim Basha.
Lleshaj kërkon reagim më të ashpër, duke thënë se “Sot ka ardhur koha për një qasje të bazuar në ligj dhe jo në politikë. Egërsirat nuk zbuten duke u prerë thonjtë”.
“NUK NDODHI NDONJË GJË E RE AS SOT
Ishte vetëm një déjà vu në radhën e gjatë të atyre, që ky vend i mjerë përjeton prej tri dekadash, ajo që ndodhi sot në Tiranë.
I njëjti frymëzues,
të njëjtët ekzekutorë
dhe po të njëjtët të verbër që nuk dinë se çfarë bëjnë.
Edhe si përherë, e njëjta filozofi: dhunë në vend të ligjit dhe institucioneve.
Ata që kanë moshë të mjaftueshme, kanë plot ngjarje të ngjashme në kujtesë.
Për më të rinjtë, besoj se mjafton të kujtojnë dhunën e vitit 2019.
E vetmja gjë e re sot ishte shënjestra e sulmit.
Mbijetesa e këtij fenomeni turpërues për Shqipërinë nuk lidhet me ndonjë cen gjenetik të popullit shqiptar, por vetëm me stepjen e organeve të drejtësisë përballë organizatorëve të dhunës gjatë këtyre viteve.
Sot ka ardhur koha për një qasje të bazuar në ligj dhe jo në politikë.
Egërsirat nuk zbuten duke u prerë thonjtë.”, shkruan Lleshaj.
