Një 45-vjeçar me probleme të shëndetit mendor në Itali është mbyllur në shtëpinë e tij dhe ka qëlluar më pistoletë jashtë saj. Republica.it shkruan se 45-vjeçari u mbyll në shtëpi me babanë e tij 90-vjeçar në zonën Viareggio.
Sipas informacioneve fillestare, 45-vjeçari duhet t’i nënshtrohej trajtimit të detyrueshëm shëndetësor. Por kur policia bashkiake mbërriti në shtëpinë e tij për të kryer masën së bashku me një ambulancë, ai nuk pranoi të hapte derën. Reagimi i tij ka qenë i dhunshëm, duke deklaruar se nëse infermierët do të futeshin në shtëpi, ai do t’i qëllonte.
“Nëse futesh unë qëlloj. Ejani dhe unë do t’ju qëlloj në kokë, një nga një. Ikni, kur të zgjidhet Presidenti i Republikës, atëherë gjithçka do të ndryshojë” ka deklaruar 45-vjeçari.
Në vendngjarje kanë ndërhyrë forcat zjarrfikëse dhe policia, të cilat kanë mbyllur rrugën dhe kanë larguar kalimtarët. Çdo përpjekje për të larguar 45-vjeçarin nga banesa ka qenë e kotë. Dhe sapo zjarrfikësit filluan të thyejnë derën, burri qëlloi dy herë në drejtim të tyre. Një nga dy plumbat ka mbërritur te një operatori, fatmirësisht pa e lënduar rëndë. Disa fqinjë u thanë zyrtarëve komunalë se 45-vjeçari kishte shfaqur vazhdimisht shenja të problemeve të shëndetit mendor në të kaluarën.
