Avokati i Saimir Tahirit, Maksim Haxhia, në një deklaratë për mediat e quajti vendim skandaloz dënimin e dhënë nga Gjykata me 3 vite e 4 muaj burg.
Sipas Haxhisë, vetëm lindja dhe vdekja janë të sigurta në këtë vend, dhe tani do të kënaqen ata që pritën dënimin e Tahirit.
“Kjo gjykatë bëri atë që s’mund të bëhet nga pikëpamja juridike se la të njëjtin vendim të shkallës së parë.
E di që do thonë ta detyron puna ta thuash, por ishte një vendim skandaloz. Vetëm lindja e vdekja janë të sigurta këtu.
Tani mund të kënaqen ata që donin arrestimin e Tahirit. Disa i thanë ik mos u paraqit fare sot, por Tahiri donte të vinte vetë, të dëgjonte vendimin,” tha Haxhia.
