LSI-PDK kanë dërguar për të regjistruar në KQZ kandidatët e Sali Berishës të dalë nga primaret e Komisionit të Rithemelimit për të marrë pjesë në zgjedhjet e pjesshme të 6 marsit që do të zhvillohen në 6 bashki të vendit. Nën emrin e koalicionit “Shtëpia e lirisë” LSI dhe PDK kanë këkruar nga KQZ regjistrimin si kandidat për zgjedhjet e 6 marsit Bardh Spahinë për Bashkinë Shkodër, Elton Banon për Bashkinë Lushnje dhe Ardian Muka për Bashkinë Durrës.
Emrat në KQZ janë dërguar nga sekretari i përgjithshëm i LSI-së, Endrit Braimllari si partia udhëheqëse e koalicionit. Pjesë e koalicionit “Shtëpia e Lirisë” është LSI dhe PDK, ndërsa Komisioni i Rithemelimit i Sali Berishës u la jashtë nga KQZ pasi nuk është i regjistruar si subjekt zgjedhor dhe logo e simboli me të cilët përfaqësohet i përkasin Partisë Demokratike, që ka kryetar Lulzim Bashën.
