Ish deputeti i Partisë Demokrati, Edi Paloka ka reaguar në lidhje me iniciativën minishengen dhe mbledhjen e Liderave të Ballaknit Përëndimor e cila sapo është mbyllur në Tiranë. Me anë të një postimi në faqen e tij zyrtare në Facebook, Paloka ka hedhur akuza të forta.
Sipas Palokës nuk është një Shengen i vogël por Serbia e madhe kundër interesave të Kosovës. Ai shkon më tel duke deklaruar se është realizimi i ëndrrës së Millosheviçit për dalje në det.
“Nuk është Shengen i vogël, por Serbia e madhe, kundër interesave të Kosovës dhe aspiratës se shqiptarëve për integrim në BE. Është realizimi i ëndrrës së Millosheviçit për dalje në det, që nuk e mori dot me luftë e po ja dhuron Esati ‘modern’! Rama e di shumë mirë këtë, prandaj vazhdon të sulmojë Kosovën në krah të zëdhënësit të Millosheviçit që pak ditë më parë guxoi të mohojë masakrën e Reçakut! Vuçiçit nuk i mbeti gjë tjetër, veçse të tundte kokën në shenjë aprovimi ndërkohë që ‘shqipfolësi’ kryeministër i Shqipërisë, sulmonte Kosovën…!”, -shkruan Paloka në Facebook.
