Edicioni i parë i “Big Brother VIP Albania” dhuroi emocione dhe spektakël që me siguri doli edhe përtej parashikimeve të produksionit.
Zhurma e madhe mediatike, por edhe vetë simpatia që publiku fitoi për banorët i dhanë këtij spektakli një tjetër dimension.
Finalja e madhe ishte thuajse e pritshme që në fund të diskutonte çmimin e madh mes Ilirit dhe Donaldit, me dy finalistët që patën një sfidë shumë të ngjeshur dhe të diskutuar mes njëri-tjetrit.
Në fund ishte Iliri ai që mori çekun prej 100 mijë eurosh dhe kjo gjë solli dhe shumë polemika nga mbështetësit e Donaldit.
Megjithatë, në ditën finale nuk munguan as surprizat jashtë shtëpisë.
Këngëtari Gëzim Mustafa, realizoi një duet me mikun e tij Argtim Hyseni ku simbolizohej ‘ndarja’ e shqiptarëve për fituesin e “Big Brother”. Ata i dedikonin vargje Ilirit dhe Donaldit, duke argumentuar pse e meritonin fitoren, ndërkohë edhe këtë herë, nuk ngeli pa u përmendur as Bora Zemani.
@gezim.mustafaa @argtimhyseni #bigbrotheral #donaldveshaj #ilirshaqiri #albania #kosova #gëzimmustafa #borazemani #përputhen #foryou #viral #tallava
