Presidenti i Rusisë, Vladimir Putin nënshkroi sot një projektligj që parashikon dënime me burg deri në 15 vjet për të gjithë ata që publikojnë “lajme të rreme” për ushtrinë ruse, raporton Agence France-Presse.
Projektligji, i cili u miratua nga ligjvënësit këtë të premte parashikon burgime dhe gjoba kundër njerëzve që publikojnë “informacione të rreme me vetëdije” për ushtrinë, kjo me dënime edhe më të ashpra kur shpërndarja konsiderohet të ketë pasoja të rënda.
Po ashtu Putini nënshkroi një projekt-ligj që parashikon gjoba ose burgim deri në tre vjet për thirrjen për sanksione kundër Rusisë, e cila po përballet me dënime të ashpra ekonomike nga Perëndimi.
Viti i kaluar ka parë një goditje të paprecedentë ndaj zërave të pavarur dhe kritikë në Rusi që u intensifikua vetëm pas fillimit të pushtimit.
Autoritetet mbikqyrëse të mediave ruse thanë të premten se kishte kufizuar aksesin në BBC dhe faqet e tjera të mediave të pavarura dhe bllokoi gjigantin e mediave sociale Facebook.
