Sportistët shqiptarë kanë arritur të fitojnë 3 medalje ndërkombëtare në edicionin e 27-të të kampionatit ballkanik të atletikë të sallave që u zhvillua në Stamboll të Turqisë.
Atleti shkodran i kërcimit së gjati Izmir Smajlaj arriti për herë të gjashtë radhazi të shpallet kampion Ballkani në disiplinën e tij, ku kërceu 7.79 metra. Me këtë kërcim ai ka lënë me 8 cm më pas atletin kroat Marko Ceko me 7.71 dhe atë të Maqedonisë së Veriut, Andreas Trajkovski me kërcimin 7.62 m.
Nga ana tjetër dhe Luiza Gega mori dy medalje të tjera me, teksa u shpall kampione e Ballkanit në disiplinën e 3000 metrave, duke ndalur kronometrin në 9 minuta e 15 sekonda. Ajo la pas atleten turke Emine Mecal dhe rumunen Ankuta Bobocel.
Gjithashtu Gega mori edhe medalje e argjendtë në disiplinën e 1500 m ku udhëhoqi për pjesën më të madhe garën deri në metrat e fundit të saj, por e humbi në sprintin final, kundër atletes turke Shilan Aildiz.
