Eleminimi i Italisë mbrëmjen e djeshme ishte surpriza e madhe e Play Off-eve me azzurët që nuk do të marrin pjesë në Botërorin e ardhshëm.
Kështu shumica e gazetave prestigjioze sportive hapen me Italinë në fokus.
“Italia jashtë botërorit”, është ky titulli që mbizotëron në faqen e parë të “Marca-s”
L’Equipe ka në fokus Verratin e dëshpëruar dhe shkruan: “Italia humbi në shkretëtirë”.
“Jashtë botërorit” shkruan e përditshmja italiane “La Gazetta Dello Sport”.
Ndërkohë, Corriere Dello Sport hapet me titullin: “Në ferr! Në Palermo fiton Maqedonia, Italia përsëri jashtë Botërorit”.
Tuttosport me foton e Chiellini dhe Donnaruma të dëshpëruar ka vendosur një “JOOOOOOOO” të madhe për të përshkruar sesa i pabesueshëm është ky eliminim.
E përditshmja SPORT ka në fokus Lewandowskin dhe dëshirën e tij për të shkuar në Barcelonë ndërkohë që shkruan: Lewandowski dëshiron të vijë!
Mundo Deportivo ka në faqe të parë Salah, për të cilin shkruhet se pas vështirësivë për të arritur tek Haaland, katalanasit do të tentojnë faraonin e egjiptit. Gjithashtu kjo gazetë lë vend edhe për eliminimin e azzurëve ku shkruan: “Italia, në rrugë”.
