Presidenti i Shqipërisë, Ilir Meta i ka dhënë mbështetje qëndrimit të kryeministrit të Kosovës, Albin Kurti, për të hequr taksën 100% ndaj produkteve serbe, por për ta zëvendësuar atë me reciprocitet.
“Besoj se zoti Kurti ka një vizion, ka një qartësi. Taksa është tashmë e qartë se nuk mund të vazhdojë në të ardhmen si një mjet efektiv, por padyshim që heqja e saj duhet të sjellë garanci se Serbia nuk do të sillet më në mënyrë diskriminuese ndaj Kosovës. Që nga fillimi i dialogut ka fituar vetëm Serbia duke hapur negociatat, ndërkohë që nuk i qëndroi angazhimeve. Reciprociteti është një masë serioze dhe një parim i pakontestueshëm”, theksoi Meta.
Sa i përket mini-shengenit ballkanik, Meta tha se ajo është iniciativë e pamenduar.
“Duket që është një iniciativë e pamenduar mirë dhe e fragmentuar për të qenë e suksesshme. Mendoj se në kuadër të Procesi të Berlinit mund të ishte më e suksesshme”, tha Meta.
Ç’po paralajmëron Meta? “Ky Parlament, njëherë e përgjithmonë jashtë Kushtetutës”
Dudushi-Metës: Nuk përfaqësoni më unitetin e popullit. Jeni i vetmuar
