Një audio e Koloneli rus Mikhail Mizinchev, i quajtur ndryshe “kasapi i Mariupolit” është zbardhur gjatë ditëve të fundit.
Në audio është zbardhur një përgjim që ka pasur koloneli me oficerët rusë. Sipas Sun, Mizinchev, i cili zyrtarisht njihet si drejtor i Qendrës së Menaxhimit të Mbrojtjes Kombëtare Ruse, dyshohet se ka kërkuar të mësojë nga oficeri se “pse nuk i kanë prerë veshët” njërit prej ushtarëve, sepse ai kishte veshur uniformën e gabuar.
“Shikoni këtë llum që qëndron aty. Pse po i shërben ende ushtrisë sonë? Dhe pse duhet të humbas kohën time me të? Pse nuk i është dëmtuar ende fytyra? Pse askush nuk i preu veshët?” dëgjohet të thotë ai në audio.
Audio është publikuar nga Oleksandr Serba, ish-ambasadori i Ukrainës në Austri. Më herët në mediat e huaja u tha se ka qenë pikërisht koloneli rus Mikhail Mizinchev, i cili ka urdhërurar bombardimet në maternitetin në Ukrainë, apo në teatrin ku strehoheshin me qindra ukrainas.
