Partia Socialiste nuk do të jetë avokatja e askujt që përballet me drejtësinë edhe pse është nga radhët e saj. Taulant Balla tha se kërkesa e SPAK për arrestimin e Alqi Bllakos do të shqyrtohet nesër në orën 18.00 nga këshilli i mandateve.
“PS e tha që nuk do të jetë asnjëherë zyrë avokatore për askënd brenda saj që vendoset në përballje me drejtësinë, kryetarja e kuvendit ka thirrur nesër në 18:00 Këshillin për Rregulloren që është institucioni që vihet në dije nga kryetari i kuvendit, është vënë në dijeni dhe Bllako, në këtë këndvështrim procedura do të vijojë pa asnjë vonesë në funksion të drejtësisë. Për ne është shumë e rëndësishme që drejtësia të bëjë punën e saj”, tha Balla.
