Një ngjarje me të vërtetë tronditëse raportohet në ketë ndodhur në Suedi pasditen e djeshme. Politikani anti-musliman Rasmus Paludan organizoi djegien publikisht të librit të shenjtë të Kuranit në sy të popullit.
E gjithë ngjarja u shoqërua me trazira pasi policia kishte rrethuar dhe mbronte politikanin nga turmat e agravuara. Për pasojë tre policë mbetën të plagosur nga përleshjet.
Pamjet nga vendi i ngjarjes në qytetin e Linkoping në bregun lindor të Suedisë tregonin një makinë që digjej teksa dhjetëra njerëz të maskuar sulmuan makinat e policisë.
“Gjendja ka qenë e agravuar dhe ka pasur sulme kundër policisë në vendngjarje,” tha zëdhënësi i policisë Asa Willsund, duke shtuar se gjërat ishin qetësuar pasi policia ishte tërhequr.
Dy nga oficerët kishin lëndime të lehta, por gjendja e të tretit nuk dihet, tha policia në një deklaratë, duke shtuar se dy persona janë arrestuar.
Trazirat nisën përpara një demonstrate të planifikuar nga politikani danez anti-musliman Rasmus Paludan dhe partia e tij Stram Kurs (Linja e ashpër) që kishte për qëllim të përfshinte djegien e librit të shenjtë mysliman, Kuranit.
Partia e ekstremit të djathtë daneze bëri thirrje për mos-lejimin e muslimanëve për të dalë në zgjedhje. Stram Kursit iu dha leja për të mbajtur demonstratën e tij në lagjen Skaggetorp ku më shumë se 50% e banorëve janë jo vendas.
“Ka persona të maskuar në vendngjarje që po hedhin gurë ndaj policisë”, thuhet në një deklaratë nga policia rajonale, pa identifikuar nëse ata ishin pjesë e protestës së planifikuar apo kundërprotestuesve.
Videot e postuara në mediat sociale treguan të rinjtë që thyenin xhamat e makinave të policisë dhe bërtisnin “Allahu Akbar” (Zoti është më i madhi).
View this post on Instagram
