Një ngjarje e padëgjuar më parë ka ndodhur në Argjentinë, teksa është tentuar të vritet arbitri i futbollit.
Oscar Antonio Perez, 48 vjeç, është qëlluar dy herë me pistoletë në një ndeshje të nivelit amator në qytetin Yerba Buena, në provincën Tucuman. Aktualisht arbitri është i shtruar në spital për plagë të rënda në pjesën e shpinës.
Ngjarja ndodhi në pushimin mes pjesëve kur një grup tifozësh po kërkonte llogari në tribunë ndaj arbitrit. Agresori, një nga tifozët e pranishëm në tribunë, pas aktit është arratisur me motor dhe është në kërkim nga policia.
Ndihma e shpejtë i shpëtoi jetën arbitrit. Siç është raportuar për gazetën “El Tucumano” nga kreu i komisariatit të San José, Héctor Falcón: “Oscar Antonio Perez është në terapi për të qenë më i kontrolluar. Por ai është ende në rrezik.”
