Mbyllen 45 e para të finales se Conference League me avantazhin e Romes 1-0 me golin e Zaniolos.
Një finale që nisi e vakët, me dy skuadrat që mundohen të studiojnë njëra-tjetrën dhe nuk lënë shumë hapësira. Minutat e para nuk dhurojnë shumë.
Herë herë edhe të dyja ekipet gabojnë në pasime, çka çon edhe në mungesën e rasteve për gol. Gjithsesi Roma ia doli të ndezë pas gjysmë ore lojë.
Mancini exquisite pass to Zaniolo
The ball dropped luckily after the chest control, but in all, a beautifully worked goal
Mourinho stopping his boys from celebrating.. It’s not over yet
— Joshtical (@JoshTical) May 25, 2022
Nicolo Zaniolo ishte ai që ndëshkoi skuadrën holandeze dhe italianët shpërthyen në festë kur panë që topi kaloi vijën fatale.
Sigurisht skuadrat e Mourinho me rezultatin 1-0 e kanë të qartë çfarë duan të bëjnë dhe ia dalin në 45 minutat e para të mos ndëshkohen, edhe pse në të 41’ portieri Rui Patricio tregoi pasiguri pas një gjuajtjeje nga jashtë zone.
Për t’u shënuar në pjesën e parë ishte edhe dëmtimi i Mkhitaryan. Armeni kishte këmbëngulur të luante pas dëmtimit ndaj Leicester, por vetëm 15 minuta rezistoi në finalen e sotme.
Kjo është finalja e parë e Conference League dhe zhvillohet në stadiumin “Arena Kombëtare” në Tiranës, kurse vitin tjetër do të luhet në Çeki.
