Një deklaratë e kryebashkiakut të Kievit Vitali Klitschko ku bëri një krahasim mes luftës në Ukrainë dhe asaj në Kosovë ka sjellë reagime të shumta, sidomos në Serbi.
Sipas mediave vendase, stafi i bashkisë së Kievit ka thënë se së shpejti do të dalin me një deklaratë zyrtare lidhur me fjalën e tij.
“Ne po përgatisim një deklaratë zyrtare për këtë marrëzi. Do të njoftojmë së shpejti”- komentoi për Nova.rs skuadra e kryetarit të Kievit Vitali Klitschko me rastin e pretendimeve të mediave shqiptare nga Zvicra se ish-boksieri ka thënë se ukrainasit po luftojnë kundër pushtuesit rus, si dikur shqiptarët luftë kundër okupatorit serb.
“Jam shumë i lumtur që kam takuar për herë të parë një gazetar shqiptar, që është një mundësi e mirë për të përcjellë një mesazh për ju, popullin shqiptar në Ballkan. Kemi dëgjuar dhe lexuar se ju shqiptarët, si ne ukrainasit, jeni njerëz të paqes, liridashës, por edhe luftëtarë që e doni nevojën që na imponon dikush. “Sot po luftojmë kundër regjimit rus, i cili po përpiqet të pushtojë Ukrainën, si ju që dikur ishit të pushtuar nga Serbia”, tha i njëjti burim, duke pretenduar se këto ishin fjalët e Klitschkos.
“Besoj se ne në Ukrainë, përveç Zotit, këtë mbështetje do t’ia kthejmë vendit tonë, popullit tonë. Faleminderit Kosovë, faleminderit shqiptarë. Siç jeni të çliruar nga Serbia, ne do të çlirohemi nga Rusia”, shkruan portali.
Mirëpo, ndonëse një foto e një gazetari nga portali që shtrëngon duart me Klitschkon është publikuar para njërës prej godinave ku janë mbajtur takimet në Forumin Ekonomik Botëror në Davos, nuk është publikuar asnjë incizim i deklaratës së kontestuar.
