Del para gjykatës adoleshenti 18 vjeçar nga Mborja e Korçës. Ai akuzohet se ka vrarë kushëririn e tij për motive të dobëta.
Akuza ka kërkuar nga gjykata që ta lërë në burg pa afat të riun. Po i njëjtë ka qenë edhe mendimi i gjyqtarit që shqyrtoi masën e sigurisë.
Devis Hoti vazhdon të mos e pranojë aktin makabër që bëri ndaj kushëririt të tij. Historia e përplasjeve mes tyre, në fakt, nuk ka asnjë të dhënë, por policia dhe prokuroria vijojnë të besojnë që kanë prova se autori i vrasjes është i riu.
Ngjarja e rëndë, që ndodhi mëngjesin e së enjtes, tronditi vendin. Shkak u bë masakrimi dhe më pas tentativa për ta djegur trupin e 48-vjeçarit Flamur Duçi.
Policia pretendon se i ka përgjuar në ambiente familjare pjesëtarët e familjes Hoti. Madje mendohet se veç gjurmëve duhet të kenë edhe fakte të tjera. Autopsia e viktimës mësohet se është përfunduar dhe janë përftuar edhe kamionët e parë.
Nuk dihet nëse ka ngjashmëri me autorin e vënë në pranga për vrasjen. Por vijohet të jetë i vetmi i arrestuar për krimin e rëndë. Sipas policisë mësohet se i riu ka shenja në trup. Dyshohet se viktima dhe autori janë përleshur para se ai ta qëllonte me thikën e djathit.
Policia ende nuk e ka gjetur thikën. Mjeti prerës është rrëmbyer në raftin e viktimës! Blutë e Korçës kanë treguar se i arrestuari ka shenja në kokë dhe qafë.
Ai pretendon se është rrëzuar në mal. Janë pyetur i ati, xhaxhai dhe një shoku i tij. Njëkohësisht para arrestimit ështrë marrë dhe lënë i lirë dy herë, ndërkohë është kryer edhe përgjim ambiental.
I ati dhe e ëma pretendojnë se e kanë patur djalin në gjumë në shtëpi në orën që ka ndodhur krimi i rëndë. Po ashtu veç alibisë ata kanë ngritur edhe pretendimin tjetër se janë kushërinj me viktimën.
Policia dhe as prokuroria ende nuk kanë zbardhur shkakun e kësaj vrasjeje. Po ashtu të dyshuar janë edhe persona të tjerë por i prangosur i vetëm është 18 vjeçari, Devis Hoti. /Fjala.a/
