Analisti Frrok Çupi është përplasur keq me këshilltarin ligjor të presidentit Ilir Meta, Bledar Dervishin.
Madje Çupi e cilësoi Derivishin si hajdut dhe se ka qenë më parë edhe i burgosur për një vepër të tillë. Ai e quajti Dervishin servil të Ilir Metës që nuk duhet të ishte në studion e Open në Top Channel.
Pjesë nga debati:
Frrok Çupi: Sa servilë ka nëpër zyra të lutem mos na i sill në ekran. Servilët e administratës janë njerëz të tmerrshëm. Le të vijë Ilir Meta.
Bledar Dervishi: Z. Çupi…!
Frrok Çupi: Me servilët nuk…
Bledar Dervishi: Servil nuk ma përmend dot mua. Ti në radhë të parë dhe askush tjetër aty.
Frrok Çupi: Ty të kanë akuzuar edhe për hajdut o burrë.. të gjitha mediat të akuzojnë.
Spartak Ngjela: Jo ore?
Frrok Çupi: Po ore, ka qenë në burg ai.
Bledar Dervishi: Bravo të qoftë që paske kontrolluar Google-in.
Frrok Çupi: Unë nuk pranoj të flas me administratorë.. le të vijë Ilir Meta, Ilir Papameta. Na ul nivelin e bisedës. Na vijnë tipa të tillë nëpër studio.. A i ke lexuar portalet çfarë shkruajnë për ty? Po të akuzojnë se je hajdut, se ke qenë i burgosur! Të merr Ilir Meta të fut në zyrë dhe na nxjerr para fytyrës tonë. Po shko rri në zyrë atje. Nëpunësit më të këqij të botës i ka Presidenca.
Bledar Dervishi: Nuk mund t’ju lejoj që të fyeni presidentin e Republikës.
Frrok Çupi: Pse çfarë je ti gardiani?
Spartak Ngjela: As me mua nuk hyn në debat me mua, ti nuk je gardian këtu. Për debat ik andej nga ke dalë.
Frrok Çupi: Po për presidentin e kemi dëgjuar natë e ditë, na erdhi në majë të ditës.
