Detaje të reja kanë dalë në dritë në lidhje me vrasjen e shqiptares Nevila Pjetri, e cila punonte si prostitutë në Itali.
Daniele Bedini, personi i cili akuzohet për vrasjen, është filmuar nga kamerat e sigurisë së një lokali.
Sipas mediave italiane, bëhet fjalë për pamje të filmuara nga një kamera e vendosur në një lokal në Marinella di Sarzana. Kjo kamera raportohet të jetë e pajisur edhe me mikrofon.
Kamerat kanë regjistruar një makinë të bardhë, brenda së cilës ishte një burrë dhe një grua, që ka marrë rrugën për të shkuar në Soledado.
Kjo është edhe koha pak para vrasjes së vajzës shqiptare.
Pamje janë konsideruar tronditëse, të cilat sipas hetuesve portretizojnë një ekzekutim të vërtetë, me Bedinin që e gjunjëzoi punëtoren e seksit dhe më pas e qëlloi në kamionçinë.
Dyshohet se i njëjti person ka qëlluar dhe vrarë pas 24 orësh edhe tranvestiten Camilla Bertolotti.
