Detaje të reja janë zbardhur nga arrestimi i ish- kryebashkiakut të Vorës, Agim Kajmaku.
Bëhet e ditur se kur u arrestua nga policia italiane me 20 kilogramë kokainë në zonën e San Benedetto del Tronto, Agim Kajmaku ishte së bashku me nipin e tij.
Kokaina ishte fshehur brenda vazove të bimëve që kishte blerë Kajmaku, klient prej kohësh në një fidanishte.
Gjithashtu bëhet e ditur se Kajmaku dhe nipi i tij kishin blerë bimët e vogla në fidanishte, por më pas i vendosën në vazo më të mëdha që i blenë në një biznes lokal, në mënyrë që të fshihnin drogën brenda.
Para se të bëhej ndryshimi, pronari i fidanishtes lajmëroi policinë italiane, të cilët më pas arrestuan Kajmakun dhe nipin e tij.
