Një makinë ka marrë flakë në lëvizje e sipër në autostradën Tiranë-Durrës, për pasojë është dëmtuar drejtuesi i mjetit me iniciale B. K., i cili ndodhet jashtë rrezikut për jetën.
Dyshohet se zjarri ka rënë si pasojë e një defekti në mjet, ndërsa forcat zjarrfikësve ndodhen në vendngjarje dhe po punojnë për shuarjen e flakëve.
Njoftimi policisë:
Tiranë/Informacion paraprak
Me datë 16.06.2022, në autostradën Durrës-Tiranë, ka marrë flakë në lëvizje e sipër dhe është djegur pjesërisht, mjeti me drejtues shtetasin B. K.
Si pasojë është dëmtuar drejtuesi i mjetit dhe ndodhet në spital, jashtë rrezikut për jetën.
Paraprakisht dyshohet se zjarri ka rënë si pasojë e një defekti në mjet.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
