Girona është skuadra e fundit që ngjitet në La Liga. Skuadra katalanase është rikthyer në kampionatin spanjoll tre vjet pasi ra një kategori më poshtë dhe falë fitores 3-1 jashtë fushe në ndeshjen e dytë të play-off-it kundër Tenerife u rikthye në ligën më prestigjioze spanjolle.
Golin final 3-1 e shënoi mbrojtësi 19-vjeçar Arnau Martinez , i cili gjatë festimeve u tregua një hero i vërtetë, pasi shpëtoi fotografin që të mos rrëzohej nga autobusi.
Krahas promovimit në futboll, të njëjtin rezultat arriti edhe ekipi i basketbollit të qytetit, duke i bërë të dyja skuadrat të festojnë së bashku me një autobus të hapur, i cili bëri xhiron e rrugëve të qytetit. Një festë e madhe, e cila mund të ishte kthyer në tragjedi.
Nuri Margui, një fotografe e ri e ekipit katalanas, e cili po filmonte festimet, humbi ekuilibrin, duke rrezikuar të bjerë në anën e pasme të autobusit. Për të shmangur rënien, është kujdesur Arnau Martinez , i cili ka kapur fotografen dhe e ka ndihmuar të kthehet në autobus, duke vazhduar festimet.
Njeriu i momentit te Girona është padyshim Arnau Martinez . I lindur në vitin 2003 pak kilometra larg Gironas, mbrojtësi pas 6 vitesh në Masia të Barcelonës, luan për Girona që nga viti 2018, duke debutuar në moshën 17-vjeçare në sezonin 2020/21. Në sezonin e sapombaruar, 36 paraqitje dhe 1 gol përgjatë kampionatit, përveç golit në finalen në play off-in e promovimit. Përveç rezultateve sportive, të cilave Martinez ka shkëlqyer, ai tani do të ketë nderin dhe privilegjin që ka shpëtuar fotografin nga një tragjedi e mundshme.
https://twitter.com/i/status/1539219955455250432
