Raheem Sterling ka postuar një lamtumirë emocionale me Manchester Cityn teksa përgatitet t’i bashkohet Chelseat në një transferim prej 50 milionë funtesh.
Sterling , 27 vjeç, ra dakord për kushtet personale me Blutë javën e kaluar dhe do të nënshkruajë një kontratë pesëvjeçare në Stamford Bridge, me opsionin e 12 muajve të tjerë. Ai tani ka shpërndarë një video tre-minutëshe në rrjetet sociale duke dokumentuar momentet kryesore të tij në Etihad.
Ai shtoi një mbishkrim të gjatë, duke thënë: “Shtatë sezone, njëmbëdhjetë trofe dhe një jetë kujtimesh”.
“Për stafin stërvitor që ka luajtur një rol të madh në zhvillimin tim gjatë viteve, për shokët e mi të skuadrës që janë bërë më shumë se ata me të cilët ndaj fushës, për stafin e dhomës së pasme, për stafin e zyrës, për tifozët që kanë na kanë mbështetur pa u lodhur dhe për të gjithë të përfshirë në Manchester City, respekti im për ju nuk mund të ishte më i madh”.
“Çfarë udhëtimi ka qenë”
“Jam mirënjohës për uljet dhe ngritjet. Pasi janë rëniet ato që kanë testuar forcën dhe vendosmërinë time dhe më kanë mundësuar të qëndroj këtu para jush si versioni më i mirë i mundshëm i vetes. Kam mbërritur në Manchester si një 20-vjeçar dhe sot po largohem si burrë. Faleminderit për mbështetjen tuaj të pafund. Ka qenë nder të vesh fanellën e Manchester Cityt”.
Trajneri i Chelseas, Thomas Tuchel ishte i etur për të përfunduar marrëveshjen në kohë për ti rezervuar Sterling një biletë në fluturimin parasezonal të së shtunës për në Los Angeles.
