Fëmijët mund të nisin klasën e parë që në moshën pesë vjeç me kushtin që gjashtë t’i bëjnë brenda vitit.
Ky është një prej ndryshimeve që pritet të reflektohet në ligjin për arsimin parauniversitar. Ministrja e Arsimit Evis Kushi shpjegoi se nuk kemi të bëjmë me një detyrim, por me një mundësi që iu jepet prindërve të cilët aktualisht pengohen nga ligji.
Në ligj parashikohet të kthehet dhe urdhri i nxjerrë më herët nga ministrja e Arsimit. Ai që ndalon të japin mësim në shkolla mësuesit e dënuar për vepra penale që lidhen me të mitur pavarësisht rehabilitimit të tyre.
Për ligjin për arsimin parauniversitar Ministria e Arsimit ka nisur konsultimin publik me mësues dhe drejtues të institucioneve arsimore nga i gjithë vendi.
