Presidenti ukrainas Volodymyr Zelensky bëri thirrje sot për një përgjigje më të fortë ndërkombëtare ndaj asaj që ai e përshkroi si “terror bërthamor” rus pas sulmeve në termocentralin bërthamor Zaporizhzhia, më i madhi në Europë.
Gjatë një bisede telefonike me presidentin e Këshillit Evropian Charles Michel, Zelensky bëri thirrje për vendosjen e sanksioneve ndaj industrisë bërthamore ruse dhe karburantit bërthamor, shkroi lideri ukrainas në Twitter.
Kompania shtetërore e energjisë bërthamore e Ukrainës tha më herët se një punëtor ishte plagosur kur forcat ruse sulmuan termocentralin bërthamor të Zaporizhzhia të shtunën në mbrëmje.
