Merkato verore vazhdon ende, por tashmë është në ditët e fundit. Gjithsesi kjo nuk i ka ndaluar skuadrat të bëjnë përpara për të mbyllur marrëveshjet me objektivat e tyre. Fokusi kryesor i mediave sportive për ditën e sotme do të kthehet pikërisht tek merkato.
Ndjekim disa nga titujt kryesorë të mediave sportive:
“La Gazzetta dello Sport” hapet me ndjekjen e Chelseat që vijon: “Leao, presioni në 120 milionë”. Blutë vlerësojnë çmendurinë e fundit: 120 milionë për Rafael Leaon.
“Tymi i bardhë për Gjelin” është titulli i ”Corriere dello Sport”. Bellotti është shumë pranë Romës, marrëveshja tashmë duket e kryer.
“Tuttosport” hapet me merkaton e ekipit bardhezi: “Milik: është Juve! Tani Paredes!” Sulmuesi polak një hap larg ‘Zonjës’. Parakalimi i Depay-t edhe për kursimet në pagë, që i lë burime drejtorit argjentinas, goditja e radhës nga bardhezinjtë mund të jetë Paredes në mesfushë.
“Festa filloi” është titulli i madrilenes “AS”. Madridi sot fillon mbrojtjen e tij të Ligës së Kampionëve si i vendosur në short.
“Mundo Deportivo” hapet me miqësoren e zhvilluar në mbrëmjen e djeshme dhe e përshkruan si “Natë magjike”. Barcelona barazoi me Manchester City-n në një rezultat me gola 3-3. Nga ekipi katalanas shënuan: Aubameyang(29’), De Jong(66’) dhe Memphis(79’). Nga ekipi i City-t shënuan: Alvarez(21’), Palmer(70’) dhe Mahrez(90+9’).
“Fitorja spanjolle!” ka shkruar prestigjozja “Marca”. Marc Soler jep një ekspozitë në Bilbao për të thyer një thatësirë të Grand Tour që zgjati 668 ditë.
“Një natë për t’u mbajtur mend” është titulli i “Sport”. 90 mijë shikues mbushën Camp Nou në ndeshjen kundër City, e cila përfundoi në barazim. Guardiola u ribashkua me Xavi dhe Unzué na emocionoi me leksionin e tij të madh të jetës.
Në Britani “Mirror Sport” ka shkruar “Para Para Para”. Newcastle United pranon transferimin e Alexander Isak për një shifër rekord prej 70 milionë eurosh.
