Kryeministri Edi Rama mëngjesin e sotëm e ka nisur me publikimin e pamjeve të segmentit të ri Palasë-Dhërmi i cili u hap tre ditë më parë për qarkullimin e automjeteve.
Krah videos Rama shkruan se ky aks lehtëson dhe shkurton kohën e udhëtimit turistik përgjatë bregdetit.
“Mirëmëngjes! Dhe me segmentin e ri Palasë – Dhërmi, i hapur për qarkullimin e automjeteve duke lehtësuar e shkurtuar kohën e udhëtimit turistik përgjatë bregdetit të jugut, ju uroj një ditë të mbarë”, shkroi Rama.
Ky segment ka një gjatësi prej 4.5 kilometrash dhe nis nga kryqëzimi i “Rrugë të Bardha” ku është parashikuar të jetë edhe dalja e Tunelit të Llogarasë dhe përfundon pranë ish-kampit të punëtorëve në Dhërmi.
