3 pikë në katër ndeshje dhe 9 gola menjëherë të pësuar vetëm në ndeshjen ndaj Liverpoolit, ishin fatale për trajnerin e Bournemouthit, Scott Parker.
Tekniku 41-vjeçar është shkarkuar zyrtarisht nga detyra e trajnerit pas turpërimit që mori në sfidën ndaj Liverpoolit, fundjavën që kaloi në stadiumin “Anfield”.
Këtë lajm e ka bërë vetë publik klubi i Premier Ligës me anë të një komunikate në sajtin e saj zyrtar teksa njoftojnë se vendin e Scott Parker-it do ta zërë përkohësisht asistenti i tij, Gary O’Neal, i cili do të mbështetet nga Shawn Cooper dhe nga Tommy Elphic.
