Ukraina është duke çliruar nga rusët një numër të madh vendbanimesh kryesisht në zonën e Kharkivit dhe një pjesë në Luhanks duke i përzënë rusët disa dhjetëra kilometra në brendësi të frontit të mëparshëm.
Deri më tani raportohet se janë çliruar më shumë se 12 mijë kilometra katror në Kharkiv, Luhanks, Zaporizhzhia si edhe në Kherson. Pjesa kryesore e kundërofensivës është duke ndodhur në veri-lindje të Ukrainës, pra Kharkiv ku edhe raportohet numri më i madh i vendbanimeve të çliruara.
Nothing beats this happiness of liberated people. pic.twitter.com/OHAhR0ZE1n
— Kateryna_Kruk (@Kateryna_Kruk) September 11, 2022
Të ndejtur gjashtë muaj nën pushtimin rus, civilët ukrainas kanë dalë në rrugë duke festuar pasi panë ushtarët e tyre që po futeshin në njërin prej fshatrave të Kharkivit.
Ata u dhanë ushtarëve lule dhe përqafime.
Rusët janë duke u tërhequr nga një zonë e madhe e pushtuar dhe autoritetet e kanë justifikuar këtë veprim me rigrupim të ushtrisë për një ofensivë të re kundër ukrainasve, por këta të fundit raportojnë se sasia e armatimit të braktisur nga Rusia në fushëbetejë është aq e madhe sa i bën të pamundur veprimet luftarake nga ata për të paktën disa muaj.
